Мұқағали Мақатаев оқулары!!!

20 ақпан күні аудандық Мұқағали оқулары өтті.
М.Мақатаев оқуларының мақсаты — оқушылардың поэзияға деген құштарлығын арттыру, өлең сөзінің құдіреті мен қуатын жанымен сезініп, жүрегімен түсіне білуге, ой пікірлерін ғылыми тұрғыда дәйекті жеткізуге баулу.
Байқау үш номинация бойынша өтті.
1. «Айтып өткен ақында арман бар ма?» номинациясында үміткер М.Мақатаев шығармашылығынан жатқа білетін өлеңдерінің тізбесін әкеліп алдын-ала әділ-қазыларға ұсынады. Әділ-қазылар тізбенің кез-келген жерінен 2-3 өлең ұсынуы мүмкін. Үміткердің жатқа білетін өлеңдерінің санына және мәнерлеп көркемдеп оқылуына баға қойылады.
2. «Жыр эстафетасы» номинациясында үміткер «Райымбек, Райымбек», «Алтай-Атырау», «Аққулар ұйықтағанда» поэмаларын толық жатқа білуі тиіс. Қатысушылар жеребе тарату арқылы жоғарыда көрсетілген поэмалар бойынша топқа бөлінеді, таңдауға түскен поэманы жатқа айтудан өзара сынға түседі.
3. «Көкірегімде жыр сәулесі маздайды…» номинациясында оқушы өз шығармашылығынан үш-бес шумақтан аспайтын бір өлеңін (кітапшасын ұсынады) әділ-қазылардың нұсқауымен және ақынға арнаған туындысын оқиды. Оқушы өз шығармасын жатқа оқуы шарт.
Мұқағали Мақатаевтың аудандық жыр додасында Қалқа Жапсарбаев атындағы орта мектебінің оқушысы «Айтып өткен ақында арман бар ма?» номинациясы бойынша жүлделі 3 орынды 8б сынып оқушысы Сламжан Нұрай ие болды.

«Көкірегімде жыр сәулесі маздайды…» номинациясында осы аталған мектептің
8б сынып оқушысы Иемберген Адия иеленді.Оқушыларды поэзияны сүюге бағыт-бағдар беріп отырған қазақ тілі мен қазақ әдебиетінің пән мұғалімі Нұрмұханбетова Гүльбадан Тастыбайқызы.