Қауіпсіздік – басты назарда!

Қауіпсіздік – басты назарда!

22 сәуір күні мектебімізге Көксу ауданының полиция бөлімінің криминалдық полиция бөлімшесінің аға жедел уәкілі, полиция капитаны Елтаев Диас Даниярұлы келіп, оқушылармен маңызды кездесу өткізді.
Кездесу барысында интернет алаяқтығы, киберқауіпсіздік, алаяқтықтың түрлері мен олардың алдын алу жолдары туралы кең көлемде түсіндіру жұмыстары жүргізілді. Полиция капитаны нақты мысалдар келтіре отырып, оқушыларға интернет кеңістігіндегі қауіп-қатерлерден сақ болудың маңызын жеткізді.
Шара профилактикалық бағытта ұйымдастырылып, жасөспірімдердің құқықтық сауаттылығын арттыруға, өз қауіпсіздіктеріне жауапкершілікпен қарауға бағытталды.
Осындай игі шаралар оқушылардың құқықтық мәдениетін қалыптастыруға оң әсерін тигізеді. Полиция қызметкерлеріне алғысымызды білдіреміз!