11
апрель
2024
«Абай оқулары» байқауының аудандық кезеңі өтті
«Абай оқулары» байқауының аудандық кезеңі өтті
«Абай мұрасы-қазақтың ең қасиетті қазынасы. Абай өзінің туған халқымен мәңгі бақи бірге жасайды. Ғасырлар бойы қалың елін, қазағын жаңа биіктерге, асқар асуларға шақыра береді» . Қазақ әдебиетіндегі шындықты жан-жақты көркем суреттей білген тұңғыш ұлы ақын –Абай Құнанбаев. Абай қазақ өлеңінің тақырыптық шеңберін кеңейтті, өмірдің шындығы мен адам еңбегін жырға қосты. Өлеңді өмір сыры туралы ой-талғамдармен, адам сезімін, оның көңіл-күйін бейнелейтін шынайы лирикамен толықтырды. 11 ақпан күні мектебімізде "Абай оқуларының" аудандық кезеңі өтті. Байқауға ауданымыздың өнер мен өлең сүйген оқушылары қатысты. Жалпы, байқау 6 кезеңнен тұрды. Шараның негізгі мақсаты – мемлекеттік тілдің қолдану аясын кеңейту және Абай шығармашылығын насихаттау арқылы қазақ мәдениетіне, тілі мен әдебиетіне деген өзге ұлт өкілдерінің ықыласын арттыру болып табылады. Мектебіміздің намысын қорғауға Мұратбек Інжу,Нұрбол Ажар, Мұқиятқызы Аягөз және Нұрмұқаметқызы Айзада қатысты. Мектебімізде өнерлі, білімді, тәрбиелі шәкірттер көп болсын.