«Үлгілі отбасы — тәуелсіз елдің тірегі!»

«Үлгілі отбасы — тәуелсіз елдің тірегі!»

Қ. Жапсарбаев  атындығы орта мектебінде 8 қыркүйек күні  «Отбасы күніне» орай«Ұрпақтар  сабақтастығын қамтамасыз ету және  Қазақстан  халқының дәстүрлерін дәріптеу жөніндегі  шаралар кешенін іске асыру» жоба аясында«Үлгілі отбасы — тәуелсіз елдің тірегі!»атты  іс –шара өткізілді. Отбасылық құндылықтарды  насихаттау,озық отбасылық   дәстүрлерді дәріптеуге бағытталған көптеген жұмыстар атқарылды.   Бұл шараға ауылдық әкімшіліктің бас маманы  Е.Ж.Төлепбергенов , ақсақалдар алқасының төрағасы Ж.Ж.Жолдыбаев ,ата-аналар комитеті және ұстаздар қатысты . Іс-шараға қатысушылар тіркелді. Биология пәнінің мұғалімі Ш.А.Алтаева «Үлгілі отбасы — тәуелсіз елдің тірегі!» атты  тақырыпта баяндама оқыды . Отбасы мүшелерін құрметтеу, туыстары мен жақындарына деген адалдық сезімін қалыптастыру мақсатында   бейне  фильм көрсетілді. Ата-аналар өз ойларын айтып , бала тәрбиесі туралы пікірлерімен бөлісті . Музыка пәнінің мұғалімі Мұздыбаева Салтанат Райсқызының ұйымдастыруымен 8 «ә» сынып оқушысы Қамеш Марат, 8 «а» сынып оқушысы Мұратбек Інжу, 5 «а» сынып оқушысы Бірлік Әлішер келген қонақтарға ән шырқады.